siachst des sprüchal do im stiagnhaus
„ollas lebn is vagebn,
und vadaummt des gaunze land
vo meidling bis jerusalem“?
jo im gretzl, in da vuastodt
lebn guade leit im dreck
oba kana singt den blues
so wia da oide novacek
jo i hob eam hean singan
es wor um mitternocht herum
die rozzn in sein köllerloch
worn sei anzigs publikum
mia kennan tuan, wos mia woin
jedazeit, aun jedn fleck
oba kana kaun den blues
so singan wia da novacek
siachst den himmö laungsam brennen
riachst den gstank wia aus da hö
heast die totenglockn leitn
gspiast die lost auf deina sö?
des is die lost von jedm
und die nimmt uns kana weg
weu kana singt den blues
so wia da oide novacek
die an san tschecherantn
und sudan vor si hin
die aundan hetzn durch die stodt
ihr sö im oktnkoffer drin
jo a jeda sucht sei winkal
jo a jeda sei vasteck
oba kana singt den blues
so wia da oide novacek
da herrgott is im himmö
und uns uns gheat die wöd
oba wos bringts, waun die wöd uns zarrinnt
zu nix ois wia mochtgier und göd
i scheangl ausn fenster
des köllerloch is weg
und i waas kana, kana singt
den blues mehr wia da novacek
|
Blind Willy McTell – Bob Dylan
textübertragung: alexander oberleitner
|
|
