es is jetzt zwanzig johr her
daß i des leb’n kenn
oft frog i’s wos wor vorher
wor’s do vielleicht no schen
du host mi so valetzt
daß i jetzt nimma lebn kau
host mi vafoigt und host mi g’hetzt
i wor für di a fremda
und daun kommst zu mir
und daun kommst zu mir
sogst zu mir:
wos kaun denn i dafür
daß i net ollas gebn hob
kaun wirklich kana sogn’
a waun i nur a leb’n hob
i wü mi nimma plogn
i hob ma di net ausgsuacht
du bist ma so passiert
i hob da laung gnua zughurcht
i bin so furchtbar miad
und daun kommst zu mir
und daun kommst zu mir
sogst zu mir:
des liegt nur an dir
es is des leb’n söba
des mi net lebn loßt
drum is ma’s leb’n söba
bis auf’n tod verhoßt
oba irgendwia
i häng an dir
weu i gspia
i gher zu dir
es is jetzt zwanzig johr her
daß i zum leb’n gher
oft frog i wos wor vorher
wors imma scho so schwer
i hob mi so sehr zuagmocht
daß i di gor net spürn kau
hob üba di zvü nochdocht
du bist für mi a fremda
und jetzt kommst zu mir
und i hör tiaf in mir
wia du sogst zu mir:
des liegt nur an dir
des liegt nur an mir...
|
musik: matthias kempf / martin mader
text: matthias kempf / alexander oberleitner
|
|
